Kubu
Gin ango ma itye ki pwoc pire tin?
Ineno Lubanga tye ka tic nining i kwo ni i cabit mukato ni?
Peko ango ma itye ka kato ki iye i kwoni? Watwero miyo kony nining?
Itiyo ki gin ma kinongo i yub mukato ni nining? Ngo m'otime?
Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Lalar dong ki nywale (Luka 2:1-20)
1I kare meno laloc me Roma ma nyinge Augusto ociko ni myero gikwan wel dano ma i te loc pa Roma ducu. 2(Man aye wel dano mukwoŋo ma gikwano i kare ma Kurenio onoŋo laloyo me lobo Ciria.) 3Jo ducu gudok i gaŋi pa kwarogi ka coyo nyiŋgi pi kwano wel dano. 4Ki pien Yucepu obedo lakwar Kabaka Daudi, en onongo myero ocit i Beterekem i Judaya, gang pa Daudi macon. En owoto kunnu ki i caro me Najaret i Galilaya. 5Otero Maliam, dako ma en mito nyomme kwede, ma onoŋo nen calo oyac. 6I kare ma gitye kunnu, kare me nywalo latinne oromo. 7Onywalo latinne mukwoŋo, laco. En oboye ki boŋo maber, ci opyelo i weer pa dyaŋ, pien kabedo me buto onoŋo pe. 8I dyewor meno lukwat onoŋo gitye i tim macok kunnu, kun gigwoko romigi. 9Oyotoyot lamalaika pa Rwot onen i kingi, ci dero me deyo pa Rwot orumogi woko. Lworo omakogi matek, 10ento lamalaika okweyo cwinygi. "Kur ilwor!" en owaco. “Akelo botwu lok me kwena maber ma bikelo yomcwiny madit bot dano ducu. 11Lalar, Meciya, Rwot, doŋ ginywalo tin i Beterekem, gaŋ kal pa Daudi! 12Wubiŋeye pi lanyut man: wubinoŋo latin ma giumo ki boŋo, ma obuto i weer pa dyaŋ.” 13Oyotoyot lwak mony me polo guribbe kacel ki lamalaika meno, kun gipako Lubaŋa kun giwaco ni, 14Deyo obed bot Lubaŋa ma tye malo i polo, kuc obed bot jo ma Lubaŋa cwinye yom i komgi.” 15Ka lumalaika doŋ gudwogo i polo, ci lukwat gucako lok kekengi ni, “Wacitu i Beterekem! Wek wanen gin ma otimme, ma Rwot otito botwa.” 16Gucito oyotoyot i gaŋ, gunoŋo Maliam ki Yucepu. Dok latin onoŋo tye kunnu, ma obuto i weer pa dyang. 17Ka doŋ gunene, lukwat gutito bot dano ducu gin ma otimme, ki gin ma lamalaika owaco botgi i kom latin man. 18Jo ducu ma guwinyo lok pa lukwat-ti guuro matek, 19ento Maliam okano lok magi ducu i cwinye, obedo ka lwodo lok i komgi kare ki kare. 20Lukwa romi gudok cen bot romigi kun gipako ki pako Lubaŋa pi gin ducu ma guwinyo ki ma guneno. Obedo kit ma lamalaika otito botgi kwede.
[Baibul Maleng. NASB. Lockman Foundation.]
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)