Gin ango ma itye ki pwoc pire tin?
Ineno Lubanga tye ka tic nining i kwo ni i cabit mukato ni?
Peko ango ma itye ka kato ki iye i kwoni? Watwero miyo kony nining?
Itiyo ki gin ma kinongo i yub mukato ni nining? Ngo m'otime?
Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Dano pe giwinyo dog Lubanga (Acakki 3:1-13)
1Twol onoŋo ryek makato lee tim ducu ma yam Rwot Lubaŋa oketo. I nino mo acel en openyo dako-ni ni, “Lubanga ada owacci pe wucam nyig yat mo keken ma tye i poto-ni?” 2Dako ogamo ni, “Ada, watwero camo nyig yadi ducu ma tye i poto-ni.” 3“Nyig yat ma tye i dye poto-ni keken aye pe giye ni wacam. Lubanga owacci, ‘Pe wubicamo, pe wugud kome; ka wutimo meno, ci wubito woko.’” 4“Pe wubito!” twol ogamo bot dako ni. 5“Lubaŋa ŋeyo ni, ka wucamo, waŋwu biyabbe woko cut, ci wubidoko calo Lubaŋa, miyo wuŋeyo gin maber ki gin marac.” 6Dako-nu oye. En oneno ni yat meno mwonya dok nyige nen mit, dok onongo mito ryeko ma yat meno bimine. Pi meno en okwanyo nyig yat meno ci ocamo. Lacen omiyo mogo bot cware ma onoŋo tye kacel kwede, ci en bene ocamo. 7I cawa meno waŋgi oyabbe woko, lewic omakogi oyotoyot pi bedogi munero. Pi meno gucweyo pot oduro kacel me umo komgi. 8I kare ma yamo me otyeno ocako kodo, ci laco ki dakone guwinyo Rwot Lubaŋa tye ka wot i poto. Kit meno gukanne woko ki bot Rwot Lubaŋa i kin yadi. 9Ci Rwot Lubaŋa olwoŋo dano ni, “In itye kwene?” 10En odok iye ni, “Awinyo ka itye ka wot i poto, ci akano woko. Onongo alworo pien onongo atye munero.” 11“Aŋa ma owacci ni itye munero?” Rwot Lubanga openyo. “Ityeko camo nyig yat ma yam aciki ni pe icam?” 12Dano ogamo ni, “Dako ma ceŋ imiya aye ma omiya nyig yat meno, ci acamo.” 13Ci Rwot Lubaŋa openyo dako ni, “Itimo gin aŋo?” En ogamo ni: “Twol aye obwola.” "Man aye gin mumiyo acamo ne."
[Baibul Maleng. NASB. Lockman Foundation.]
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)