Kubu
- Gin ango ma itye ka pwoyo pire tin?
- Ineno ni Lubanga tye ka tic nining i kwo ni i cabit mukato ni?
- Peko ango ma itye ka wok ki iye i kwo ni? Watwero miyo kony nining?
- Itiyo ki gin ma kinongo i dul mukato ni nining? Ngo m'otime?
- Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo me 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Yecu ojuko yamo magwar (Marako 4:35-41)
35Ka piny doŋ oyuto, Yecu owaco bot lupwonnyene ni, “Wakatu loka nam tuŋcel.” 36Gukwanyo Yecu i yeya, gucako wot, guweko lwak gudoŋ, kadi bed yeya mukene bene gulubo kore. 37Ento cutcut yamo magwar ocako twagge. Pii mager onongo tye ka turo yeya, ci yeya ocako pong ki pii. 38Yecu onoŋo onino i ŋe yeya, kun wiye tye i kom lakala. Lupwonnyene gucoye kun gidaŋŋe ni, “Lapwony, pe paro ni wabito woko i te pii?” 39Ka Yecu oco, ci ojuko yamo kun waco ki nam ni, “Wuling! Bed mot! Oyotoyot yamo ocuŋ, ci piny okwe matek. 40Openyogi ni, “Piŋo wulwor? Pud pe wutye ki niye?” 41Lupwonnye gubedo ki lworo madwoŋ twatwal. "Laco man anga?" gupenye kekengi. “Kadi wa yamo ki pii bene giwinye!”
[Baibul Maleng. NASB. Lockman Foundation.]
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)