Kubu
- Gin ango ma itye ka pwoyo pire tin?
- Ineno ni Lubanga tye ka tic nining i kwo ni i cabit mukato ni?
- Peko ango ma itye ka wok ki iye i kwo ni? Watwero miyo kony nining?
- Itiyo ki gin ma kinongo i dul mukato ni nining? Ngo m'otime?
- Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo me 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Laco ma tye ka yenyo Lubanga (Jon 3:1-21)
1Yam tye laco mo ma nyiŋe Nikodemo, ma ladit dini pa Lujudaya ma Laparicayo. 2I otyeno mo ma piny col, en obino ka lok ki Yecu. Ogamo ni, “Lapwony, wan ducu waŋeyo ni Lubaŋa ocwali ka pwonyowa. Lanyut me aura ma wutiyo-ni ginyuto ni Lubaŋa tye kwedi.” 3Yecu ogamo ni, “Ada awacci ni, ka pe ginywali tyen me aryo, pe itwero neno ker pa Lubaŋa.” 4“Imito wacci aŋo?” Nikodemo owaco. “Dano muti twero dok i i minne niŋniŋ, ci ginywale odoco?” 5Yecu ogamo ni, “Atitti ni, pe tye ŋat mo ma twero donyo i ker pa Lubaŋa ka pe ginywale ki pii ki Cwiny Maleŋ. 6Dano twero nywalo kwo pa dano keken, ento Cwiny Maleŋ nywalo kwo me cwiny. 7Pi meno pe wuur ka awacci, ‘Myero ginywalwu tyen me aryo.’ 8Yamo kodo dok ka ma en mito. Kit macalo iwinyo yamo ento pe iŋeyo ka ma oa ki iye nyo ka ma cito iye, kit meno bene pe itwero tito kit ma ginywalo kwede dano ki Cwiny.” 9“Lok magi twere niŋniŋ?” Nikodemo openyo. 10Yecu odokke iye ni, “In lapwony pa Lujudaya ma giworo, ento pe iniang lok man? 11Atito botwu gin ma waŋeyo ki ma waneno, ento wun pe wubiye lok ma waloko. 12Ento ka pe wuye ka atittiwu lok me lobo, wutwero ye niŋniŋ ka atittiwu lok me polo? 13Pe tye ŋat mo ma yam ocito i polo ci odwogo cen. Ento Wod pa dano doŋ olor piny nia ki i polo. 14Macalo Moses yam otiŋo twol mola i wi yat i tim, Wod pa dano bene myero gitiŋe malo kit meno, 15wek dano ducu ma ye en obed ki kwo ma pe tum. 16“Pien Lubaŋa con omaro lobo kit man, omiyo Wode acel keken, wek dano ducu ma ye en owek to, ento obed ki kwo ma pe tum. 17Lubaŋa ocwalo Wode i lobo, pe pi ŋolo kop i kom lobo, ento pi laro lobo pire. 18“Kop pe tye i kom ŋat mo ma ye en. Ento dano ma pe ye en doŋ giŋolo kop i kome pien pe ye Wod acel keken pa Lubanga. 19Kolo kop ocuŋ i kom lok man: ceŋ pa Lubaŋa yam obino i lobo, ento dano gumaro piny macol makato ceŋ, pien timgi rac. 20Jo ducu ma gitimo gin marac gidag ceŋ, gikwero nyiko cok kwede, pien gilworo ni balgi binen ka maleŋ. 21Ento jo ma tiyo gin ma tye atir gibino i ceŋ wek jo mukene gunen ni gitye ka tiyo gin ma Lubaŋa mito.”
[Baibul Maleng. NASB. Lockman Foundation.]
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)