Kubu
Gin ango ma itye ki pwoc pire tin?
Ineno Lubanga tye ka tic nining i kwo ni i cabit mukato ni?
Peko ango ma itye ka kato ki iye i kwoni? Watwero miyo kony nining?
Itiyo ki gin ma kinongo i yub mukato ni nining? Ngo m'otime?
Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Lubanga Ocikke me Lalar (Icaya 52:13-15; 53:1-12)
Icaya 52:13-15
13Nen, laticca bibedo ki gum; en bibedo ki deyo madit twatwal. 14Ento jo mapol guuro ka gunene. Wange onwongo obale ma nen calo pe obedo dano, ki ki i kit ma en nen kwede, ngat mo pe twero ngeyo ni en obedo laco. 15En bimiyo rok mapol lworo. Luker gibicuŋ ma pe gitwero lok i nyime. Pien gibineno gin ma yam pe kitito botgi; gin obi niang gin ma onongo pe gu winyo pire.
Icaya 53:1-12
1Aŋa ma doŋ oye lok ma watito? Aŋa ma Rwot onyuto ciŋe matek-ki bote? 2Laticca odoŋo i nyim Rwot macalo yat ma olokke, macalo lwite ma otwo i ŋom mutwo. Pe tye gin mo ma mwonya nyo me deyo i kit ma en nen kwede, pe tye gin mo ma ywayo cwinywa bote. 3En onongo gicayo dok gikwero woko —laco ma cwinye cwer, ma ngeyo cwercwiny madit adada. Waloko ngewa i kome ci waneno tung mukene. En onongo kicayo, dok wan pe waparo pire. 4Ento obedo goro wa ma en otingo; obedo cwer cwiny wa ma obalo cwinye. Dok onongo watamo ni pekone obedo pwod ma oa ki bot Lubanga, pwod pi bal ma en otimo! 5Ento gicobo pi jemowa, gicobo pi balwa. Ki goye wek wabed maber. Kigoye wek wanong cang. 6Wan ducu warwenyo woko macalo romi. Waweko yoo pa Lubanga me lubo yoo pa wan wa. Ento Rwot oketo balwa ducu i kome. 7Giuno en dok gitere matek, ento pe oloko lok mo. Gitero en macalo latin romo ma gitere i ka neko. Dok macalo romo ma liŋ i nyim lukel yer wiye, en pe oyabo doge. 8Ki ngolo kop i wiye labongo tyen lok mo, ci gitere woko. Pe tye ngat mo ma paro ni en oto labongo likwayo, ni kwo ne ki juku i dye nam. Ento gigoye piny pi jemo pa jona. 9En yam pe otimo gin marac mo, dok bene yam pe obwolo ŋat mo. Ento giyike calo latim bal; ki keto en i lyel pa laco ma lalonyo. 10Ento obedo yub maber pa rwot me diyo en ki miyo en cwer cwiny. Ento ka kwo ne tye me gitum pi bal, en obi nywalo likwayo mapol. En obi bedo ki kwo ma lac, ki yub maber pa rwot obi bedo maber i cinge. 11Ka oneno gin ducu ma canne ocobo, cwinye bibedo yom. Dok pi gin mutimme i kwone, laticca ma kite atir bimiyo jo mapol gikwanogi ni kitgi atir, pien en bitiŋo balgi ducu. 12Abimiye deyo macalo askari ma oloyo lweny, pien onyute kene nio waŋ to. Kikwane i kin lujemo. En otingo bal pa jo mapol dok olego pi lujemo.
[Baibul Maleng. NASB. Lockman Foundation.]
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)