Kubu
- Gin ango ma itye ka pwoyo pire tin?
- Ineno ni Lubanga tye ka tic nining i kwo ni i cabit mukato ni?
- Peko ango ma itye ka wok ki iye i kwo ni? Watwero miyo kony nining?
- Itiyo ki gin ma kinongo i dul mukato ni nining? Ngo m'otime?
- Inywako ki anga gin ma inongo i kare mukato ni? Gin gugamo nining?
Ngo ma omyera ilub:
Tim ber iti ki yo ma lubo man me telo inongo lok ada pa Lubanga i tyeng ma piny kany. Myero i lok i kom cik ma kwako gurup ni?
Nongo
Tyelo 1- Dano ma tye ka nywako kwan gi loko dul me dul lok ni (nyut lok/lok manyen)
Tyelo 2- Ngat acel kwano lok ni weny ki dwan malongo nongo jo mukene gi winyo
Tyelo me 3- ngat ma tye ka nywako lok ni dwoko lok ni i lok ma mege (jo mukene medo tam gi)
Lubanga aye ocweyo lobo (Acakki 1:1-25)
1I acakki piny Lubaŋa oketo polo ki lobo. 2Lobo onoŋo pe tye ki cal mo, onoŋo tye nono, ki colpiny oumo pii matut woko. Cwiny pa Lubaŋa onoŋo tye ka kwarre i wi pii. 3Lubaga owacci, “Wek leŋ obed tye,” ci leŋ ocako nen. 4Lubaŋa oneno ni ceŋ meno ber. Lacen en opoko lero ki col piny. 5Lubaŋa olwoŋo ceŋ ni “dyeceng” ki colpiny ni “dyewor.” Otyeno okato ki odiko obino, ma obedo nino mukwongo. 6Lubaga owaco ni, “Wek bor piny obed i kin pii, me poko kin pii me polo ki pii me lobo.” 7Meno aye gin ma otimme. Lubanga oyubo kabedo man me poko kin pii me lobo ki pii me polo. 8Lubaŋa olwoŋo kabedo meno ni “polo.” Ki otyeno okato ki piny oru, ma nyutu nino me aryo. 9Lubaga owacci, “Wek pii ma tye i te polo omol kacel, wek lobo mutwo onen.” Dok meno aye gin ma otimme. 10Lubaŋa olwoŋo lobo mutwo ni “lobo” ki pii ni “nam.” Ci Lubaŋa oneno ni ber. 11Lubaga owaco ni, “Wek ginapita otwi i lobo, kit ginapita ducu ma nyako nyiggi, ki yadi ma nyako nyiggi. Nyig magi dong gibinyako kit yadi ki yadi ma gua ki iye.” Dok meno aye gin ma otimme. 12Lobo ocako nyak kit ginapita ducu ma nyako nyiggi, ki yadi ma nyako nyiggi. Kodigi onyako nyig yat ki yadi ma rom aroma. Ci Lubaŋa oneno ni ber. 13Otyeno doŋ okato, piny oru, meno nino me adekke. 14Lubaga owaco ni, “Wek tara myero onen i polo me poko dyeceŋ ki dyewor. Wek gubed lanyut ma nyuto kare me mwaka, nino ki mwaka. 15Wek dero magi ma i polo oryeny piny i wi lobo.” Dok meno aye gin ma otimme. 16Lubaŋa oketo gin madito aryo ma menyo piny, maditte olo dyeceŋ ki matidine olo dyewor. En bene ocweyo lakalatwe. 17Lubaŋa oketo tara magi i polo me menyo lobo, 18me loyo dyeceŋ ki dyewor, ki me poko kin leŋo ki colpiny. Ci Lubaŋa oneno ni ber. 19Otyeno okato, piny oru, meno nino me aŋwenne. 20Lubaga owacci, “Wek pii opoŋ ki rec ki gin makwo mukene ducu. Wek polo opoŋ ki winyi me kit kwagi ducu.” 21Mumiyo Lubaŋa oketo lee me nam madito, ki gin makwo ducu ma mol i pii, ki kwa winyo ducu ma ginywalo litino ma kitgi rom. Ci Lubaŋa oneno ni ber. 22Lubaŋa omiyogi gum kun wacci, “Wunywal, wunya. Wek rec opoŋ nam, ki winyo bene gunya i wi lobo.” 23Otyeno okato, piny oru, meno nino me abicce. 24Ci Lubaŋa owacci, “Wek lobo onywal kit kwa lee ducu, ma ŋat acel acel onywal litino ma kitgi rom, litino ma paco, lee matino ma lak alaka i ŋom, ki lee tim.” Dok meno aye gin ma otimme. 25Lubaŋa oketo kwa kwa lee tim ducu, ki lee ma paco ki lee matino, ma ŋat acel acel twero nywalo litino ma kitgi rom. Ci Lubaŋa oneno ni ber.
Peny/Gam:
- Ngo ma ineno i dul lok man?
- Man tere ngo bot in?
- Ngo ma imaro/pe imaro i kom lok man?
- Lok man loko kit ma ineno kwede Lubanga/Dano nining?
Lagam: Ka man tye ada...
- Omyero olok kit ma ikwo kwede nining?
- Ibi nywako ki anga gin ma inongo tin?
Cego
- Mok tam i kom awene ma gurup ni obi rwate iye
- Cik i lega (pi gin ma mite ma kiloko iye malo ni)